Nyhende

30.03.08
John Peder Hove æresmedlem
På årsmøtet vart John einstemming vald som æresmedlem. Styret hadde denne begrunninga:

"Iflg. Vetektene kan styret foreslå æresmedlemmer som skal godkjennast av årsmøtet.
Styret har foreslått John.

Han har gjort ein kjempejobb sidan laget vart starta 27. mai 1986. I 22 år har han vore med i valgkomiteen, hamnestyre, hamnesjef, i styret som formann og nestformann, og vi håper han fortsetter i mange år enda.

Men det er ikkje berre  for desse fine ”titlane og verva” han får diplom.

Det er enkelt å kome inn og site i styre og stell og vere på dugnadsarbeid av og til, og så verte ferdig med det. Det som er det store arbeidet er den daglige drifta av laget. Passe på at alt er i orden – reparere det som trengs – skru på og av vatn  – straum -  ta seg av kundane på gjestebrygga – vaske hus og ikkje minst - Ta ansvar for laget.

Her er kanskje mange som har gjort ein god jobb i laget som burde ha vore æresmedlemmar, men vi er overbevist om at ikkje nokon har gjort så mykje for laget som John."

Båteigarlaget gratulerer John med den velfortente utmerkinga.

30.03.08
Årsmøte 2008
Årsmøte vart halde i Servicehuset den 28. mars. 14 medlemmar var tilstades.

Ny formann vart Knut Steinar Dyrkorn. Med seg i styret får han John Peder Hove, Odd Søvik og Kjell Tjønnøy(ikkje var på valg), og John Hjelmseth(ny). Varamedlemmar er Severin Hovde og Even Isvik(begge nye).

Hamnestyret har berre nye medlemmar, og ser slik ut: Leiar: Elias Odd Hove. Medlemmar: Roger Hauge og Johan Bernt Øvrebust. Varamedlemmar: Anne H. Huse og Einar Vidhammer.

Kvelden vart avslutta med nydeleg fiskesuppe med noko attåt ;-)

Årsmøtereferatet er vedlagt her.

05.07.2007
Storinnrykk av båtar
Helga 29. juni -1. juli var det Stordalscup, og mykje folk i Stordal. Også gjestebrygga merka dette. Heile 23 båtar greidde å få plass ved gjestebrygga og tildels på medlemsbrygga. Johan Vinje tok dette bildet på Laurdagen.

28.04.2007
Nye skilt!
No er dei nye skilta hengt opp på Gjestebrygga. Johan og Bjørn Johnny brukte mykje av laurdagen til å skru dei opp. Det vart rett så fint, og alle medlemmane og andre oppmodast til å ta seg ein tur å sjå. Skilta vart kjøpt inn etter at Båteigarlaget fekk Pedroprisen i 2006. Sjå også fleire bilder under Bilder

22.04.2007
Årsmøte 2007
Årsmøte vart helde den 20. april på Stordal Gjestebrygge. Bjørn Johnny Græsmo vart gjenvald som leiar.

Fleire Nyhende i Arkivet